ليه تختار شركة تشطيبات عشان تشطب الوحدة بتاعتك ؟
في الموضوع دا هكلمك بالعامية شوية وهوضحلك ليه تتعامل مع شركة وأهمية التعامل مع الشركة.
يلا نبدأ
خلينا نقول هي شركات التشطيبات هتقدملك ايه ؟
أولا: التفرغ
لازم تكون متفرغ بنسبة كبيرة عشان تعرف تتابع العمال وتشتري الخامات وتستلم منهم الشغل … الشركة بتشيل عنك حاجة زي كدا
ثانياً: الأمان
لما بتتعاقد مع شركة لتشطيب الوحدة بتاعتك انت بتكون في أمان لانك بتتعاقد مع شركة ليها كيان (مش قصدي مكان وموظفين وكدا) قصدي كيان قانوني في سجل وبطاقة ضريبية
كمان بتكتب عقد مع جهة مش مع فرد وادام جهة ف المفروض بتختم العقد بالختم بتاعها
بيكون في متابعة دورية معاك فبتكون عارف ايه اللي بيتم في الوحدة بتاعتك ودا لا يغني عن انك تنزل وتتابع بنفسك برده بس هتكون متابعة قليلة وإشراف فقط
في تقارير بالتكاليف الفلوس اشترينا بيها كمية اد كدا من المورد الفلاني بالسعر دا فتقدر تسأل المورد على الأسعار أو على الأقل مفيش تلاعب -لو شركة محترمة طبعاً-
كمان حاجة مهمة أوي وهي الضمان ودي مش هتلاقيها غير مع الشركات عشان كدا لازم تخلي بالك وتتعامل مع شركة محترمة وإلا هتلاقي الشركة بتتلصص منك لو في مشكلة -لا قدر الله-
ثالثاً: الخبرة
شركة التشطيبات بيكون عندها الخبرة المافية والازمة عشان تنفذ الشغل وتستلمه صح من العمالة وفي الاخر تستلم وحدتك متنفذة صح وزي التصميم اللي انت عايزه وتستاهل كل جنيه اتصرف عليها
رابعاً: توفير التكاليف
بلاش تبص تحت رجليك وتقول الشركة هتاخد نسبة وانا لو نفذت بنفسي هوفر والكلام دا
انت هتوفر دلوقتي فعلا لكن تعالى بقى لو نفذت حاجة غلط على حساب مين؟؟
لو حد نصب عليك وخد الفلوس ومجاش على حساب مين؟؟
لو حاجة باظت بسبب سوء التنفيذ مين هيعدلها؟؟
لو الناس اتأخرت في تنفيذ الأعمال والمماطلة المعروفة على حساب مين ؟؟
كمان لما بتتعامل مع شركة بنظام نسبة الاشراف ف الشركات بيكون ليها نسبة خصومات عند الموردين للينود المختلفة بخلافك انت وفي الحالة دي انت من حقك تاخد الخصم دا
وكتير وكتير
خامساً: الجودة
في خامات كتييير مغشوشة في السوق مش هيعرفها غير المختص
في ناس للأسف مش بتراعي ربنا في لقمة عيشها بيكون متفق مع مورد معين ويوجهك للمورد دا وهي حاجته مضروبة كلها
جودة التنفيذ مش هيعرفها الا المختص برده
سادساً: الوقت
لما بتتعامل مع شركة بتكون حريصة انها تخلص شغلها بدري عشان تنقل على شغل جديد وكمان المصاريف الادارية عليها زي رواتب المهندسين والاشراف بتكون كبيرة عليه وعايز يقللها على المشروع عشان يكسب اكتر فبيكون حريص انه يخلص بسرعة وطبعا مش على حساب الجودة
بيكون في جدول زمني متفق عليه ويفضل يكون في غرامة تأخير مع طبعا مراعاة الظروف القهرية
أنصحك استكمالا للمقالة تقرأ مقالة كيف تختار شركة تشطيبات موثوقة؟
لمعرفة مواصفات وتفاصيل التشطيب لوحدتك تقدر تتواصل معانا